بس ربنا مايعودها
الكل هايستغرب إزاى حلوه وإزاى لا يعودها هاقولكم
(الجيش)
الشباب كلهم بيشيلوا هم اليوم ده وقلكم حاجه كمان البنات بتعمل حساب لليوم ده إزاى هاقلك لما البنت بتحب واحد مش متحبش إنه هو يروح وبتكون عارفه المواعيد أحسن منه واليوم الى هايروح فيه ويوم الاجازه ويوم النزول ويوم مايروح لأمه قبلها ويوم مايكلمها في التليفون صح صح .
المهم لما تجربوا هاتعرفوا الإحساس
الى بقلكم عليه شوفوا بقى الى راح الجيش
يقلى الإحساس الى حصله
وهو رايح وقصتوا وانا هاستني الرد أوك
(قصتي بقى )
جربوه هاتحسوا بيه عامل شكل الدنيا , كل يوم بنتعلم فيها حاجه مش كل يوم بس كل دقيقه , ولكن أنا عمريمكنت اتوقع إنى أحب أتكلم على هذه التجربه ولكن علشان خاطر ثلاثه بس حبيت أكلم معاكم فيها ثلاثة من أعز أصحابى كنا بناكل سوا ققلكم والله كان فيه أيام بنقسم سندوتش واحد بينا المهم هما رجاله أوى وجدعان ومكانشى بينا مصلحه علشان نقرب لبعض كان حب وإخلاص مش علشان المصلحه علشان هما كويسين وولاد ناس أتمنى أن نبقى على إتصال وأنا متأكد إن الدنيا هتلهينا على بعض ولكن بجد هافضل فاكرهم طول حياتي ومسير الحي يتلاقى
أصحابي الثلاثة أهديكم دي
الحكاية من الأول
قبل ماروح الجيش بأيام بسيطه أصحابي إتصلوا بيا وقالوا فيه واحده محتاجه نقل دم جريت ورحت إتبرعت وخلاص ولكن بعد يومين جه واحد صاحبي وقالى هاقلك خبر مش كويس قلتله الست توفت قالى لأ إنت عندك فيرس أف بجد قالى إنتوا كنتوا إتنين واحد طلع فيه فيرس والتانى لأ وسألت الى متبرع معاك قال إنه هو محلل قبل كدا (المهم كله فشنك)
وخلاص وقلت الحمد لله وقلت يمكن خير
وقفلت الموضوع على كدا وأثناء
عمل الوراق الخاصه بالتجنيد عرفت إن الى
عنده الفيرس بيخرج من الجيش
ققلت أكيد ربنا رايد ليا خير
(شوفوا المفاجأة)
رحت أول يوم علشان أعرف نتيجة أنا لابس ولا لأ
وبعدين قبلت واد كوسه فقال مواليد شهر بتاعي مش لابسين شهر كام ياكوسه قصدي يا أستاذ قالى شهر... هو شهري قلت روح يا بنى ربنا يكتر من الكوسه أمثالك بس كنت
قلقان لإن إحساسى بيقولى أنا هادخل بنسبة 90% وأنا إحساس مش بيكدب مع إن كل الناس بتكذب عادي
وأثناء إعلان النتيجه أدارى الكوسه بتاعته طلعت فراش في المكتب مش إهتمه بيه (وإدبست)
ودخلت الجيش وأثناء عمل الكشف الطبي دخلت نظر لائق سمع لائق طبعاً كشف
أحسن من الى بره متقدم أه بهزر لأ لأ بجد سدانى مش مسدأين ليه يبقوا أنتوا الى صح
المهم كعب لائق بطن لائق طول طلعت 180 وانا اصلا 166.167
المهم طلعت لائق طبياً لسه التحليل الأمل إني أخرج من الدتبيسه دى فسألت الطبيب
قبل مادخل الفيرس بيخرج قالى أيوه بس أيوه طلع شكل الطلقه فعلاً طبيب
ودخلت قبل دورى عايز أخرج وحللت وإستنينا النتيجه جه عشماوي
قصدي الى هايقولينا النتيجه يعنى قال أنا هاقول الأسماء الى عندها فيرس
وقال إسم واحد طبعاً مش انا
انا من حق مقلتش إنى محامى وعلشان أنا محامي لازم أخد حقي تالت وتلت
دخلت على الكبير بتاع المنطقه وقلتله تنص اللوائح والقوانين ومن شروط التجنيد
عدم وجود ووجود وذكرت ضمنها الفيرس قالى عايز آيه ياحبيبى ياقلبى وقالى تشرب شاى ولا لامون
مش مسدأين صح عندكم حق
اول مادخلت قال طلعوه بره مين إنت المهم قلتله الموضوع
وجه معايا وعمالى التحاليل وطبعا مقاليش النتيجه طلع يجرى ورايا بال....
وخلاص دخلت الجيش
شوفوا شوفوا ياجماعة المفاجأة
(ظابط إحتياطي)
يالهوتي ياخرابى كمان تلت سنين
طبعاص إزاى يعنى أنا عندي ....سنه وكمان 3 سنين ضايعين يعنى هاجوز وانا على المعاش لما اكون نفسي طبعاً أكون خلاص أجيب واحد تدخلنى الحمام وتعملى شوربه علشان أنا تعبان وعندي سبعين سنه وحياتى بلاها حياه , المهم دخلت كشف الظباط وعملت البدع علشان انزل عسكري وهناك نزلت إلى عسكري وقلت الحمد لله بلاء عن بلاء يفرق هين.
(طريق كله )
وأنا رايح الجيش طبعاً فيه ميعاد لازم نكون فيه وانا في الأثناء دي كل حاجه عارفها حتى الواد الى بقضوا جيشه مفكره ظابط منا خبره المهم رحت في الميعاد وطبعاً أنا بينى وبين محطة القطر أكتر من أربع ساعات اعمل إيه رحت نمت عند ناس قريبى معرفه يعنى قريبين من المحطه وطبعاُ مفيش نوم ويجى منين النوم ورحت قبل الميعاد بكتير جداً وركبت القطر الميعاد كان طبعا الساعه 5 صباحاً طبعاً إلتزام كبير , كنا متحركين كام خمسه وربع هههههههههههه متحركين الساعه 7 صباحا ماهي منظمه متخطط لكل حاجه
وتحرك القطار ياوابور الساعه سبعه ياموادينى فى داهيه قلى ياوابور رايح فين بيا وكل لما نمش ندخ في ظلام منشفشي حاجه وأخرتها المهم وصلنا لمكان التدريب ونزلنا من القطر كتير جداً ومش عارفين بعض ودخلنا يامعلم المصيده وكنا ملكى يعنى بلبسنا العادي في لحظه بقينا ميري يعن بدلة الجيش .
وقابلنا (عارفين يقلك الى أمل مربتوش يرابيه ولا ......)
والى ماسمعشى عن ................ يبقى معشى
سمعت الكلام ده ودا التعرف بتاع الناس الى مقابلنا.
المهم بدأ التدريب صحيان كل يوم الساعه 5 صباحاً ونوم الساعه 8 مساءاً مش عارفين أي حاجه عن أي حاجه وجه الموعد المرتقب موعد الحفله ...مين عمرو دياب لأ حفلة تخرج دفعه جديده هو إحنا يعنى وخلصنا التدريب وهاروح بقى اماكن الى هانقضي فيها جيشنا والحمد لله كان قريب جداً من البيت وهناك قبلت ...................
أعز الأصدقاء
- حبيب قلبي (البور سعيدى)
-وأخوى الكبير (الغمراوي)
- وبلدياتي(د)
وبدأت أتأقلم خلاص على الحياه ونحاول نصبر بعض
ونتقاسم سندوتش واحد بينا وبين بعض الى معايا معاهم والى معاهم معايا
وعددت الأيام والحمد لله
هناك ناس بقى لو حكاتلكم عليها ولا بلاش علشان
المشــــــــــــــــــــاكل
إتعلمت بقى قاعدة في الجيش بيقولوا
(الداخل مفقود والخارج مولود)
صح
صح
صح
صح
كلام مشهور في الجيش
(بلد)
(دفعه)
(عريف)(عسكري)
(الجرايقه)
(سيرفيس)
صف ...........
المهم أنا خلصت الحمد لله وأخذت الشهادة (قدوه حسنه)
وبقيت طبع الحكومه
والسلام عليكم ورحمة الله وبركاته,,,,
ليست هناك تعليقات:
إرسال تعليق